Sociëteit Amicitia 1842
Vîngersloeën
‘nen Deftige hieër, good gekniptj en geschoeëre,
haaj lést inne zaal ‘n doêzendtje verloeëre.
Hae woor, begriêpelik, êrg uut zienen doon
en mocht daorum wat zégke aanne microfoon.
Hae beloeëfdje aanne vînger hieël zunig 25 piek
en toen kloonk ‘n zaochte stum vanuut ‘t pebliek:
“Foei, waat és noow 25 piek vandaag d’n daâg?
ich gaef dao de vînger 100 vör……en op slaâg!!!”
